Biografiar
Knut Olav Åmås
Knut Olav Åmås er direktør i Stiftinga Fritt Ord. Han har vore statssekretær i Kulturdepartementet, kultur- og debattredaktør i Aftenposten, redaktør i Samtiden m m. Han har gjeve ut ei mengd med bøker, m a «Wien. 100 unike opplevelser» i 2016 saman med Knut Aastad Bråten, og siste boka hans er «Dette er Norge. 100 kommentarer og samtaler» (2018). Han har skrive fleire bøker om Ludwig Wittgenstein og tenkinga hans.
Dagfinn Nordbø
Satirikar og forfattar Dagfinn Nordbø har 30 års røynsle frå norsk humorbransje, på alle arenaer. Han har gjeve ut to bøker om humor: Hva ler vi av? (2014) og Humor - lær av de beste komikerne og tekstforfatterne (2020). Nordbø lir av for tidleg kronikkavgang i VG, og er også spaltist i vekeavisa Dag og Tid.
Lars Fr. H. Svendsen
Lars Fr. H. Svendsen er professor i filosofi ved Universitetet i Bergen. Han har blant anna utgitt bøkene «Kjedsomhetens filosofi» (1999), «Kunst» (2000), «Ondskapens filosofi» (2001), «Hva er filosofi» (2003), «Mote» (2004), «Frykt» (2007), «Arbeidets filosofi» (2011), «Frihetens filosofi» (2013), «Ensomhetens filosofi» (2015) og «Å forstå dyr» (2018). Siste boka hans er «Løgnens filosofi» (2020). Bøkene hans er omsette til 29 språk.
Tor Espen Aspaas
Tor Espen Aspaas er pianist, kammermusikar og professor ved Noregs musikkhøgskule. Han er ein av dei mest profilerte yngre norske pianistane og er også ein førsteklasses musikkformidlar. For dette blei han hausten 2016 Riddar av 1. klasse av St. Olavs Orden. Aspaas har vore solist med ei rad nasjonale og internasjonale symfoniorkester. Han har også vore kunstnerisk leiar for Vinterfestspela på Røros.
Inga Bostad
Inga Bostad er professor i filosofi på Pedagogisk institutt ved Universitetet i Oslo og professor 2 på Arkitektur- og designhøgskulen. Ho har bakgrunn som prorektor og viserektor ved Universitetet i Oslo og direktør for Norsk senter for menneskerettar. Forskingsområda hennar er pedagogisk filosofi, skeptisisme, kjønnsteori, økosofi og annleisheit. For tida leier ho forskargruppa "Humaniorastudier i pedagogikk" og forskingsprosjektet "Den nordiske utdanningsmodellen". Bostad har 160 publikasjonar av ulike slag bak seg og skreiv magisteravhandling om Wittgensteins "Om visshet" og doktorgrad om skeptisisme. Den siste boka hennar er "Å høre hjemme i verden" (2021).
Gabriel Michael Vosgraff Moro
Gabriel Michael Vosgraff Moro (f. 1981) er forfattar, litteraturkritikar og forlagsredaktør. Utdanna journalist og litteraturviter. Han har tidlegare vore redaktør for Bokvennen Litterært Magasin og BLA, og har i mange år vore litteraturkritikar i VG. Debuterte i 2003 med boka «365 dager med Ludwig Wittgenstein» etter å ha blitt forelska i Wittgenstein på vidaregåande. Sidan har han gjeve ut eit par kritikerroste romanar, pluss den teikna intervjuboka «De forvandlede».
Trygve Martinussen
Sivilingeniør - født 1944 i Luster - styreleiar i Stiftinga Wittgenstein i Skjolden.
Busett i Oslo med sekundærbolig i Luster, internasjonal yrkespraksis som konsulent i byggebransjen, sidan 1988 med eige firma.
Har som pensjonist initiert/delteke i 9 byggrestaureringsprosjekt. Prosjektleiar for attendeføringa av W-huset.