Urnes Stavkyrkje

I 1130-åra vart verdas eldste stavkyrkje bygd. Ho ligg majestetisk til på toppen av den vesle bygda Urnes, rett over fjorden for Solvorn. Urnes Stavkyrkje kom på UNESCO si verdsarvliste i 1979.  Dette er ein av dei største attraksjonane me har i området og vel verdt eit besøk.  For å koma deg til Urnes frå Solvorn, tek du den vesle bilferja som går frå kaien, rett nedanfor Walaker Hotell. Etter eit besøk i stavkyrkja kan ein sykla, eller køyra, innover langsmed fjorden. Dette er ein smal og flott veg, ei oppleving i seg sjølv. Etter nokre kilometer kan ein sjå spektakulære Feigumfossen, som har eit fritt fall på heile 218 meter.